Пра нас
Адукацыйны цэнтр
На падставе пастановы Міністэрства адукацыі Рэспублікі Беларусь ад 18.12.2020 № 307 дзяржаўнай установе “Мінскі навукова-практычны цэнтр хірургіі, транспланталогіі і гематалогіі” дадзена права рэалізацыі адукацыйнай праграмы павышэння кваліфікацыі кіруючых работнікаў і спецыялістаў. У мэтах выканання загаду Міністэрства адукацыі Рэспублікі Беларусь ад 22.02.2021 № 112 адкрыта падрыхтоўка кадраў па профілю адукацыі “Ахова здароўя”, напрамках адукацыі “Прафілактыка, дыягностыка, лячэнне, рэабілітацыя і арганізацыя аховы здароўя”, “Тэхніка-лабараторнае забеспячэнне”.
Дзяржаўная ўстанова “Мінскі навукова-практычны цэнтр хірургіі, транспланталогіі і гематалогіі” атрымаў спецыяльны дазвол (ліцэнзію) на права ажыццяўлення адукацыйнай дзейнасці.
Адукацыйны цэнтр створаны загадам дырэктара дзяржаўнай установы “Мінскі навукова-практычны цэнтр хірургіі, транспланталогіі і гематалогіі” ад 26.03.2021 № 218.
Высокакваліфікаваныя спецыялісты нашай установы, якія з’яўляюцца вядучымі хірургамі, трансплантолагамі і гематолагамі Рэспублікі Беларусь, гатовыя трансляваць перадавы вопыт у галіне спецыялізаванай і высокатэхналагічнай медыцыны суайчыннікам і замежным грамадзянам.
Працягласць заняткаў адукацыйных праграм павышэння кваліфікацыі складае адзін/два тыдні (40/80 акадэмічных гадзін) у вочнай (дзённай) форме атрымання адукацыі.
Слухачы, якія засвоілі змест адукацыйнай праграмы павышэння кваліфікацыі і прайшлі выніковую атэстацыю, атрымліваюць пасведчанне аб павышэнні кваліфікацыі ўстаноўленага ўзору.
Заняткі носяць пераважна практыка-арыентаваны характар і накіраваныя на прафесійнае ўдасканаленне спецыялістаў.
Для навучальнага працэсу выкарыстоўваюцца сучасныя залы і класы, лабараторыі і аперацыйныя МНПЦ хірургіі, транспланталогіі і гематалогіі.
Адукацыйны працэс праходзіць у малых групах, гэта дазваляе забяспечыць індывідуальны падыход да кожнага слухача.
Пражыванне іншагародніх і замежных слухачоў забяспечваецца ў гасцінічных нумарах інтэрната дзяржаўнай установы адукацыі “Рэспубліканскі інстытут вышэйшай школы”.
Прэйскурант цэн за пражыванне ў інтэрнаце з 01.02.2020.
|
Катэгорыя нумара |
Кошт 1 месца ў суткі, бел. руб. |
|---|---|
|
Стандартны двухмесны нумар палепшанай камфортнасці |
|
|
Адно месца пры двухмесным размяшчэнні |
27,00 |
|
Пражыванне 1 чалавека ў нумары |
48,00 |
|
Двухмесны двухпакаёвы нумар павышанай камфортнасці |
|
|
Адно месца пры двухмесным размяшчэнні |
40,00 |
|
Пражыванне 1 чалавека ў нумары |
74,00 |
Па жаданню слухача (стажора) пражыванне таксама магчыма ў гасцініцах г. Мінска (з папярэднім узгадненнем).
